[Abaya]

Jeda Verband hod inzwisch`n a Haumpeidsch, jeda aussa de Süddeidsch. De braucha so was ned. Wos soins a neischreim. Das koane Regeln aufstein kenna, de vor G`richd Bestand ham?
Des brauchas ned schreibn, des wois inzwisch`n jeda. Na, ned jeda, die süddeidschn Fungzjonäre wissen des ned. Aba de brauche des a ned wiss`n, des glangd ja scho, wenn ses aufstell`n, de ungüldign Regeln.
Dafüa hod da süddeidsche Verband an Bräsidend`n, dea, wen`s Ärga gibd, z`ruckdridd. Wenna moand, da Ärga is wida vorbei, dann losda sie wieda wähl`n. Wei so koma da Verandwordung a aus`m Weg geh. Hoda sie aba deischd. De Gaudi is no lang ned vorbei. Jezd woin aufamoi de andern Vereine, de, de si lezde Saison an de Regeln koidn ham, streid`n
voa G`richd, weis so bled warn, sich an de Regeln zu hoidn. Jezd sans aus lauda Bledheit abgstieg`n, des g`foid eana a ned, oiso drohns mid`m G`richd, wenn’s ned drin bleim derfa. Jezd übalengs wieda, de gscheid`n süddeidschn Fungzjonäre, es is eana a scho wos eigfoin. Machma a zwoide Regionalliga auf. Aba des ged a ned so einfach. Wei dann klag`n de Vereine, de koa zwoida Liga woin, weises z`sbäd erfahr`n hab`n.
Jezd hedns endlich was zum neischreib`n in eana Haumpeidsch, bloss si ham hoid koane. Bassd wieda guad zum Süddeidsch`n Verband.
Jezd bin i gspannd, ob da Bräsidend wida zruckdridd.