[Abaya]

In Bayern spuid a gloana Bua de Elide vom Müller sein Privadindernad an d`Wand. Jedenfois beim 1. VRLT. Damid des nimma vorkimmt, hams sa si jezd füas Zwoade was eifoan lossn. Der Bua wird doch von an junga Lera drainierd und bei de Turniere bedreud. Dea Lera is aba a im Leerteam vom BDDVau. Do sogma einfach, der Lera is a Honorardraina, dann derfa den Buam nimma bedreun. Da „Egon Renz“, dea mid dem grossn Schnabel, had oiso dem Lera gsogd, Du bisd Honorardraina, du dersft ned bedreun. Do kema dem Buam sein Vadda, dem mid da grossn Goschn, zoang, wo da Bartl den Most hoid. Wei dem sei Vadda, had voa go nix Respegd, der schreibd soga offane Briaf ans Bräsidium. Da frogda wia in Bayern nominierd wird. Ois wenn eam des wos ogedad. Mia nominiern wia ma meng, d`Ranglisdn is füa de andan do, mia sand mia und mia dean wos ma meng. Und frogd, warum mia uns beim VRLT ned seing lossn. Am Sonndag, da hama koa Zeid, do miasma Spesn macha, de ma dann mim BDDVau obrechnen. Da Verbandsdraina ged ja aned hi. Dea is mid seim Herzebobe undawegs. So is dem Bua sei Vadda, der schliaft uns gor ned hindn eine, ins Oschloch. Des ged a goned, do is ja scho da Reuss drin. Oiso hams an Lera ned bedreun lossn. Ned das da gloane Bua numoi de bairische Elide naufhaud. Do isa oiso gstandn da gloane Bua, one Bedreua gega de guad bedreudn vom Indernad, de a no a Drum äida san. Dräna hoda in de Aung kabd, nix hods eam koiva. De vom BDDVau hoidn zamma. Wos ged de a gloana Bua o, a wena spuin ko und wui. Dea is ned im Indernad, oiso brauchd a koan Bedreua. Sonsd hauda unsare Elidebuam vielleichd numoi nauf. Nua a junge blonde Frau hod mid dem gloana Bua Midleid ghabd und hod eam koiffa, so guads hoid ganga is. Aba de is a ned aus Bayern kuma, de is aus Russland. Jezd wois i endlich, warum da BDDVau de Auslända draussn hom wui.