|
AW: Ost contra West
Kölsch ist doch der beste Dialekt.
Hier zwei Liedbeispiele.
1) Anti-Düsseldorf Lied.
2) Ode an Köln
De Strossefaejer - Düsseldorf Leed :
"
Wie dä Römer söke dät, dä schönste Fleck am Rhing,
hät hä sich Kölle usjesöök, wie kunnt et anders sinn.
Ne Spähtrupp dä wood usjescheck un kom verschreck zoröck,
wie hä em Neandertal die Aapehord erbleck
un noh drei Woche schon, do sung dat ahle Rom:
Am Arsch vun de Welt lit Düsseldorf, et düürste Dorf am Rhing
de längste Thek doch keine Dom, wer will dann sujet sinn?
Am Arsch vun de Welt lit Düsseldorf et düürste Dorf am Rhing,
dröm trick et och ne kölsche Jung, noh Düsseldorf nit hin.
Met de Johre hät mer dann die Aape kultiveet.
Se han sujar su noh un noh, et Bierbraue probeet.
Nur hät dat nit su räch jeklapp, bei denne en däm Wald.
Un weil dat kei´ Minsch drinke kunnt, do wood dat Züch flöck alt.
Un selvs en Rekjavik, do sung ald jeder met:
Am Arsch vun de Welt lit Düsseldorf, et düürste Dorf am Rhing
de längste Thek doch keine Dom, wer will dann sujet sinn?
Am Arsch vun de Welt lit Düsseldorf et düürste Dorf am Rhing,
dröm trick et och ne kölsche Jung, noh Düsseldorf nit hin.
Weed dem Esel vill zo wärm, dann jeit hä op et Ies,
un wenn hä do op Haie stüss, dann jit et miestens Knies.
Doch wenn dä Esel plötzlich dann, sing Jrosche nit mieh jit,
dann spellt die jode DEG bei uns he nit mieh mit.
Un unse KEC, weed Meister jetz, juchheh!
Am Arsch vun de Welt lit Düsseldorf, et düürste Dorf am Rhing
de längste Thek doch keine Dom, wer will dann sujet sinn?
Am Arsch vun de Welt lit Düsseldorf et düürste Dorf am Rhing,
dröm trick et och ne kölsche Jung, noh Düsseldorf nit hin......
"
oder
De Höhner - HEy Kölle, do bes e Jeföhl :
"
1.
Ich han die Städte der Welt jesin,
ich wor in Rio, in New York un Berlin!
Se sin op ihre Aat jot un schön,
doch wenn ich ierhlich ben, do trick mich nix hin!
Ich bruch minge Dom, dä Rhing - minge Strom -
un die Hüsjer bunt om Aldermaat!
Ich bruch dä F. C., un die Minsche he,
un die jode, echte kölsche Aat!
Refrain:
Hey Kölle - do ming Stadt am Rhing,
he wo ich jroß jewode ben.
Do bes en Stadt met Hätz un Siel.
Hey Kölle, do bes e Jeföhl!
2.
Do häss em Kreech fas' mem Levve bezahlt,
doch se han dich widder opjestallt.
Die Zick, die määt och för dir nit halt,
hück häste Ecke, die sin jrau un kalt!
Do weed römjebaut un vell versaut,
un trotzdem eines, dat es jeweß:
Dat dä Ärjer vun hück - un dat jeiht flöck -
die jode ahle Zick vun murje es!
Refrain:
Hey Kölle ...
3.
Ich blieve he, wat och passeet!
Wo ich die Lück verstonn,
wo ich verstande weed!
Hey, hey, hey!
Refrain:
Hey Kölle ...
"
Frage: Verstanden????
|