Zwei Bayern in der Weltelite

[Abaya]

So steds in da lezdn Bayan Tischtennis drin. Do konsd lesn, da Schnabl und da Schuasda ham de indanationale Obaschiedrichdabrüfung bstandn. Und füa den Lehrgang hams an Simultanübaseza kabd. Wei de zwoa neia indanationalen Obaschiedrichda kena ned englisch. De kena nua deitsch, oder bayrisch oda ois zwoa. Jezd derfas sogar bei da Olympiade midmacha. Oda bei de Weltmeisterschaften. Ja wia macha den de zwoa des, wenn’s ned englisch kena. Wia redn de mit de Chinäsn ? Oda mid de Nega? Hams dann wida an Simultanübaseza dabei? Oda is indanational jezd de Zeichnsprache zuaglossn, ois Sondaregelung füa de zwoa bayerischen Vizepräsidendn, de ned englisch kena? Des ged dann zua, wia beim Tegernseer Bauerntheada, do wead a mid Hend und Fiass gred. Oda sogd dann da Schnabl zum Spila, der an Boi beim Aufschlog ned hochwirfd "Ju schmeiss the Ball six insch high, then I ko in look".
Ja glangd an Schnabl sei Schnabl füas englische ned? Is a gor ned so gscheid, wira duad? Do hama zwoa indanationale Obaschiedrichda und de kena sie mid de andan indanationalen Obaschiedrichda und Spila gor ned undahoidn. Aba schuid san de andan, weiss ned bayrisch kena. Wei bayrisch is de Weltsprache, ned englisch. Moand zumindast da Bededevau.

[Bernd Beringer]

Abaya, Du bist köstlich - auch wenn, wahrscheinlich, nicht jeder Funktionär über Dich lachen kann. Aber sag mal: Du kennst die Burschen so gut - bist du etwa mittendrin in diesem Karpfenteich? Sozusagen der Hecht? Nicht nur mich würde ja brennend interessieren, wer Du bist. Aber im Interesse der Satire hoffe ich doch, dass sie Dich noch lange nicht "fangen"...

[Abaya]

Ja wea hod denn den Simultanübaseza eigendlich zoid. Hams des seawa do, de zwoa Vize. Oda hod des da bededebau zoad. Von dem koma wahrscheinlich ausgeh und des dua i jezd. Do kena zwoa ned englisch und da bededevau zoid eana an Simultanübaseza. Des is ja so, ois ob oana koane Aufschläg ko, do griagd a dan an Chinäsn dafüa, der machd dan seine Aufschläg, und da bededebau zoid den Chinäsn. Und dan kumd a Berichd im Bayern-TT über den Superspila, der in der Welt-Elite mithoidn ko. Dank Chinäsn und dem Geld vom bededevau. Ja wenn ma des richdig bedrachd, dann hod ja de bededevau seine Vize den Titel internationaler Oberschiedrichter kafd. Mid vui Geld, wei billig sans ned de Simultanübaseza. Ja wen wundads dann, das koa Geld mehr ham beim bededevau. Wenns es zum titelkafa füa ihre Vizes verbraucha. Jezd weans boid wida a Umlage macha, auf de Vereine, zwecks Titelkauf füas Präsidium. Vielleichd kafd sie na da Präsidend no an Dogdatitel. Dad si doch guad anhörn, Präsident Dr. Claus Wagner.